DÉ HAOINE 4 DEIREADH FÓMHAIR | Ceardlann Fhilíochta: Le Laoighseach Ní Choisteabhla | 19:30 Ar Líne

DÉ LUAIN 7 DEIREADH FÓMHAIR | Oscailt Oifigiúil Fhéile Raifteirí: Léacht le Dr. Philip Fogarty | 19:30 Ionad Acmhainní Teaghlaigh (H62 H721)

DÉ SATHAIRN 19 DEIREADH FÓMHAIR | Clár Speisialta An Brekkie Breac (i gcomhpháirt le Coláiste an Eachréidh) | 09:00 LCRfm 102.9FM nó www.lcrfm.ie

DÉ SATHAIRN 19 DEIREADH FÓMHAIR | Maidin Aithriseoireachta agus Fhilíochta | 10:30 Comworks (H62 VN56)

DÉ SATHAIRN 19 DEIREADH FÓMHAIR | Léiriú de ‘Leaca na Filíochta agus an Cheoil - Stepping Stones’ le Cantairí Chonamara | 17:00 Gaelscoil Riabhach (H62 TK22)

DÉ SATHAIRN 19 DEIREADH FÓMHAIR | Ceol agus damhsa le Becky Ní Éallaithe agus cairde | 21:30 Arch Bar (H62 XD39)

DÉ DOMHNAIGH 20 DEIREADH FÓMHAIR | Cuairt ar Reilig Raifteirí: Teacht le chéile ag Reilig Chill Fhínín | 12:00

Turas trí stair filíochta agus ceoil na hÉireann ó Phádraig go U2 atá i gceist leis an léiriú seo a bhéas curtha i láthair ag Cantairí Chonamara agus Music Matters Gaillimh.

Tá an turas leagtha amach ag Máire Ní Dhuibhir i seacht ngluaiseacht. Tosnaítear le fuaim coirn ó 2,500b.c. agus tagraítear do shaothar Phádraig, Columbanus agus filíocht liriciúil na linne sin. Baineann an dara ghluaiseacht le scoileanna na mbard agus tionchar na hathbheochana meánaoise ar fhilíocht na ndaoine. Ansin deintear tagairt do Bhaile Átha Cliath san 18iú aois, an chéad uair gur deineadh an Messiah, cumadóirí Éireannacha a bhain cáil amach, chomh maith le saothar Thomas Moore. Baineann an ceathrú ghluaiseacht le saothar na bhfilí ó 17iú go 18iú, caointe, aislingí, agus na bailitheóirí ceoil. Sa chúigiú cheann, luaitear an Athbheochain Ghaelach/Cheilteach ag casadh na fichiú aoise, Yeats, an Piarsach, Joseph Mary Plunkett. Na blianta i lár an chéid seo chaite is téama an séú gluaiseachta - Elizabeth Maconchy, Ó Riordáin, Ó Direáin. Nua-bhóithre an t-ainm ar an ngluaiseacht dheireannach mar gheall ar go bhfuil saothair ó go leor seánra i gceist - Heaney, Ó Riada, Ó Súileabháin, Lisa Hannigan, Van Morrisson, Bill Whelan agus U2. Críochnaíonn an togra seo le saothar nua-cumtha - dán le Noelle Hayes ó Phort Omna curtha le ceol ag Máire Ní Dhuibhir.

Tá seacht bpainéal le feiceáil freisin ag cur síos ar na ngluaiseachtaí éagsúla, deartha ag Éamonn Mac Lochlainn.

Beidh an léiriú ar siúl Dé Sathairn, 19ú Deireadh Fómhair, ag 5:00in i nGaelscoil Riabhach (H62 TK22). 

Ticéidí: €15 ag an doras (lacáiste do mhic léinn: €10)

Is é téama Fhéile Raifteirí 2024 ná ‘Aisling’, mar sin, tá áthas ar Ghaeilge Locha Riach a fhógairt go mbeidh ChildVision ag teacht go Baile Locha Riach chun ceardlann Braille a reáchtáil mar chuid d'imeachtaí na Féile.

Cuireann ChildVision tacaíochtaí ar léith ar fáil do daoine óga ar fud na hÉireann a bhfuil lagú amhairc orthu agus tairgtear Cláir Luathbhlianta sna hionaid atá acu i mBaile Átha Cliath agus i gCorcaigh.

Sa gceardlann seo, beidh foireann tras-scríbhneoirí ó ChildVision ag cur daltaí gaelscoile in aithne do Bhraille trí mhéan na Gaeilge. Foghlaimeoidh rannpháirtithe faoi chumadh agus forbairt an Braille, ó chóras Charles Barbier go córas Louise Braille, chomh maith leis an gcóras comhaimseartha (UIB) a úsáidtear chun Gaeilge a mhúineadh. Beidh an deis ann meaisín Perkins a úsáid chun tras-scríobh a dhéanamh, agus beidh deis acu chomh maith scileanna léitheoireachta Braille a chleachtadh le puzail agus cluichí spraíúla.

Beidh ceardlann Braille á reáchtáil ag Gaeilge Locha Riach i nGaelscoil Riabhach ar an 17ú Deireadh Fómhair agus tá muid uilig ag súil go mór leis.

Mar chuid d’imeachtaí le haghaidh ‘Féile Raifteirí’, tá Rónán Ó Snodaigh ag stiúradh ceardlanna amhránaíochta agus ceoil i gColáiste an Eachréidh.

Mar chuid de na ceardlanna seo, tá grúpa déagóirí tar éis teacht le chéile agus iad ag tabhairt faoi dhúshlán le hamhráin nua-cumtha agus ceoil a chur le chéile. Tá réimse d’aoisghrúpaí os comhair an Snodaigh le linn na ceardlanna seo. Mar chuid den ullmhúchán, bhí ábhair shamplacha curtha os a gcomhair ar mhaithe lena spreagadh tabhairt faoin chumadóireacht. Spreagadh na daltaí dul i mbun pinn iad féin. Tugadh comhairle is treoir dóibh maidir le liricí agus rithim an cheoil le linn dóibh a bheith i mbun cumadóireachta agus iad ag forbairt is ag feabhsú a saothair féin.

Táthar ag súil go mbeidh, ar a laghad, amhrán nua-cumtha amháin ullmhaithe acu agus iad réidh leis an amhrán a chur i láthair ‘beo’ ar an chlár ‘An Brekkie Breac’ (Staisiún Raidió Áitiúil Bhaile Locha Riach) roimh dheireadh na míosa.